មានកំណើតមកជាស្រ្តី
ភាគច្រើនតែងតែចូលចិត្តអៀនច្រើន
មិនសូវក្លាហានដាច់ម៉ាត់ដូចមនុស្សប្រុសឡើយ។ ជាពិសេស
នៅពេលធ្វើកិច្ចការ
ឬជួបស្ថានការណ៍អ្វីមួយដែលមានសក្ដានុពលភាពខ្លាំង
នារីៗតែងតែអែអង់ជានិច្ច
មិនសូវបញ្ចេញអាកប្បកិរិយាឱ្យមនុស្សប្រុសដឹងងាយៗឡើយ
ប៉ុន្តែបើមនុស្សប្រុសវិញគឺផ្ទុយពីនេះ ។
តើធ្វើយ៉ាងណាទៅទើបដឹងថាបុរសម្នាក់នោះកំពុងតែលួចស្រឡាញ់អ្នក
? ដើម្បីដឹងថាគេកំពុងលួចស្រឡាញ់អ្នក
មនុស្សប្រុសភាគច្រើនគឺតែងតែមានឥរិយាបថទាំង៧នេះ៖ ទោះបីជានៅកន្លែងធ្វើការ នៅសាលា ឬនៅកន្លែងណាក៏ដោយ គេតែងតែឱ្យតម្លៃ និងគោរពអ្នកជានិច្ច ។ គេតែងតែណែនាំអ្នកឱ្យមិត្តភក្តិ និងមិត្តរួមការងារ ឬក្រុមគ្រួសាររបស់គេឱ្យអ្នកដឹង និងដឹងពីអ្នក ។ គេចូលចិត្តបង្កើតបរិយាកាសនៅជុំវិញខ្លួនអ្នកឱ្យប្រកបដោយ ផាសុកភាព និងសប្បាយរីករាយជាដើម ។
២. ខំប្រឹងបំពេញចិត្តរបស់អ្នក
អាចនិយាយបានថា គេគឺជាមនុស្សដ៏ឧស្សាហ៍រកនរណាប្រៀបមិនបានឡើយ ឧស្សាហ៍នោះត្រង់ថា៖ ឧទាហរណ៍៖ យើងពឹងពាក់គេឱ្យជួយជូនទៅសាលា គេហ៊ានជូនទៅសាលា បើទោះបីជាខ្លួនគេកំពុងតែរវល់យ៉ាងណាក៏ដោយ, ពឹងឱ្យជូនទៅផ្សារបន្តិច គេមិនត្រឹមតែជូនទៅដល់ផ្សារទេ គេថែមទាំងជួយដើរយួរឥវ៉ាន់ និងចេញលុយឱ្យទៀត, ពឹងឱ្យជួយធ្វើកិច្ចការសាលាឱ្យបន្តិច គេក៏ជួយដល់ចប់តែម្ដង ។ល។ និយាយជារួមទៅគឺងាយស្រួលសង្កេតទេ ។
ទី៣. គេជាមនុស្សចូលចិត្តសម្របខ្លួនតាមអ្នក
មិនថាទោះជាកំពុងឈ្លោះគ្នា ប្រកែកគ្នា មានមតិខ្វែងគ្នា ញ៉ាំម្ហូបខុសគ្នា ចូលចិត្តរបស់ផ្សេងៗគ្នា ឬរសជាតិផ្សេងៗគ្នានោះទេ បើអ្នកចូលចិត្តអ្វី ស្អប់អ្វី ទោះជាគេធ្វើវាហើយ គេត្រូវស្លាប់ក៏គេហ៊ានសម្របខ្លួនទៅតាមបរិយាកាសនៃជីវិតរបស់ អ្នកដែរ ។ គេធ្វើយ៉ាងណាក៏ដោយគឺដើម្បីផ្គាប់ចិត្តរបស់អ្នកឱ្យទាល់តែបាន ។
ទី៤. បារម្ភពីអ្នក
កុំថាឡើយរឿងធំ ទោះបីជារឿងតូចប៉ុណ្ណាក៏ដោយ គេតែងតែបារម្ភពីអ្នកគ្រប់ពេល គ្រប់រឿង និងស្ទើរតែខុសរឿងផងក៏មាន ។ និយាយឱ្យខ្លីទៅគេបារម្ភចំពោះអ្នក ជាងម្ដាយរបស់អ្នកទៅទៀត ។ សូម្បីតែពេលអ្នកកំពុងឈឺ ឬត្រូវរបួសតែបន្តិចបន្តួចសោះ ប៉ុន្តែបេះដូង ថ្លើម ប្រម៉ាត់របស់គេស្ទើរតែស្វិតអស់ទៅហើយ ។ ពេលគេដឹងថាអ្នកមានអាការៈណាមួយមិនប្រក្រតីគេតែងតែនិយាយ ផ្ដែផ្ដាំ និងសួរអ្នកជានិច្ច និងបម្រើអ្នកទៀតផងបើសិនជាអាច ។
ទី៥. ប្រាប់រឿងគ្រប់យ៉ាងដល់អ្នក
មិនថារឿងកើតទុក្ខ រឿងសប្បាយ ឬរឿងមិនពេញចិត្តណាមួយក៏ដោយ អ្នកគឺជាមនុស្សទីមួយដែលទទួលបានដំណឹងពីគេ ។ ទោះបីជាក្នុងថ្ងៃខ្លះ គេកើតទុក្ខ គេមិនសូវមាត់ករកអ្នកណា ក៏នៅទីបញ្ចប់ អាចថានៅពេលល្ងាច ឬយប់មុនពេលចូលគេង គេនៅតែផ្ញើរសារ និងតេទូរស័ព្ទទៅរកអ្នកមុនគេ បន្ទាប់ពីគេបានធូរស្បើយ ។
ទី៦. មិនដែលនៅឆ្ងាយពីអ្នក
មិន ដែលនៅឆ្ងាយពីអ្នកនោះបានន័យថា តាំងពីព្រលឹមទល់ព្រលប់ គំនិត សតិ អារម្មណ៍របស់គេទាំងមូលគឺនៅដិតជាប់នឹងរូបអ្នកជានិច្ច ហើយទៀងពេលថែមទៀតផង ។ឧទាហរណ៍៖ ពេលព្រឹកគេផ្ញើរសារមកថា៖ Good Morning នៅពេលព្រលប់គេផ្ញើរសារទៀតថា៖ Good Night, កំពុងធ្វើអីហ្នឹង? , ញ៉ាំបាយហើយនៅ? , ងូតទឹកហើយនៅ? , ថ្ងៃហ្នឹងទៅរៀនអត់? ឬសុបិន្តល្អអីផងក៏មាន ។
៧. ចំពោះគេ អ្នកសំខាន់ជាងអ្វីៗទាំងអស់
នៅក្នុងតារាងគំនិតប្រចាំថ្ងៃរបស់គេ អ្នកគឺជាមនុស្សទីមួយហើយដែលគេគិតដល់ ។ ក្រោកពីគេងភ្លាមមិនទាន់ទេ គេតែងតែស្រវ៉ារកទូរស័ព្ទដើម្បីផ្ញើរសារ ឬទូរស័ព្ទទៅរកអ្នកភ្លាម ។ អ្នកគឺជាមនុស្សសំខាន់ណាស់សម្រាប់គេ ។ ប្រសិនបើអ្នកត្រូវការពិគ្រោះយោបល់ ឬជជែកគ្នាលេងជាមួយ ទោះបីជាគេរវល់ប៉ុណ្ណា ឬកំពុងទូលភ្នំមួយទាំងមូលក៏ដោយ ក៏គេព្យាយាមរកពេលមកនិយាយជាមួយអ្នកដែរឱ្យខានតែបាន ៕
Comments